Böyük Vətən müharibəsi veteranına maddi yardım göstərilib
9 May-Faşizm üzərində Qələbənin 73-ci ildönümü münasibəti ilə rayon rəhbərliyi əvvəlcə Böyük Vətən müharibəsi iştirakçılarının şərəfinə ucaldılmış abidənin və həmyerlimiz Sovet İttifaqı qəhrəmanı Məmmədəli Məmmədovun büstünün önünə gül dəstələri düzmüş, onların xatirəsini ehtiramla yad etmişdir. Daha sonra şəhərdə yaşayan müharibə veteranını öz evində ziyarət edərək onun qayğı və problemləri ilə maraqlanmış, maddi yardım göstərmişdir. Görüşdə RİH başçısı Musa Şəkiliyev Böyük Vətən müharibəsində şərəfli döyüş yolu keçən Azərbaycan övladlarının tarixi şücaətlərindən söhbət açmış və onların qəhrəmanlıqlarının heç vaxt yaddaşlardan silinməyəcəyini, gənc nəslə əsl vətənpərvərlik nümunəsi olacağını diqqətə çatdırmışdır.
Müharibə veteranı onlara göstərilən diqqət və qayğıya görə prezident İlham Əliyevə minnətdarlığını bildirmişdir.