Rayonda 384 hektar sahəyə tütün şitilləri köçürülüb
Builki mövsümdə rayonda 473 hektar sahədə tütün əkilməsi nəzərdə tutulmuşdur. Hazırda təsərrüfatlarda tütün əkini mütəşəkkil davam etdirilir. Fermerlər indiyədək 384 hektar sahəyə tütün şitilləri köçürmüşlər.
Builki mövsümdə rayonun fermerləri 455 hektar sahədə “Virciniya botaniki”, 18 hektarda isə digər növ tütün yetişdirəcəklər. Tütün istehsalı ilə əlaqədar 50 fermerlə müqavilə bağlanılmışdır. Şitillərinin yetişdirilməsi üçün istehsalçılar tərəfindən ümumi sahəsi 8160 kvadratmetr olan sadə istixanalar hazırlanmışdır.
Ötənilki mövsümdə rayonun torpaq mülkiyyətçiləri 496,4 hektar sahədən 755 ton quru tütün əldə etmişlər. Tütün istehsalı əvvəlki illə müqayisədə 202 tondan çox artmışdır.
Hazırda rayonun ailə təsərrüfatlarında ipəkqurdlarının yemlənməsi prosesi də davam etdirilir. Barama istehsal etmək üçün rayonun kümçülərinə 550 qutu, yəni 10 kiloqram 450 qram ipəkqurdu paylanılmışdır. Builki mövsümdə rayonda yaş barama istehsalının 22 tona çatdırılması qarşıya hədəf qoyulmuşdur.
