Rayon kümçüləri barama tədarükünə dair proqnoz-tapşırığa əməl ediblər
Rayonda istehsalçılardan yaş barama tədarükü başa çatmaq üzrədir. Cari mövsümdə rayonda yaş barama istehsalının 22 tona çatdırılması qarşıya hədəf qoyulmuşdur. Kümçülər indiyədək rayonun Damazlıq İpəkçilik Stansiyasındakı qəbul məntəqəsinə 22 ton 38 kiloqram yaş barama təhvil vermişlər.
Bu il barama yetişdirmək üçün rayonda 324 kümçü ilə müqavilə bağlanılmış, onlara 550 qutu, yəni 10 kiloqram 450 qram ipəkqurdu paylanılmışdır.
Ləkit kəndindən Qiyas Aslanov cari mövsümdə qəbul məntəqəsinə rayon üzrə hamıdan çox – 302 kiloqram yaş barama təhvil vermişdir. Kümçü bu il 80 qram ipəkqurdunun yemlənməsi ilə məşğul olmuşdur. Zəyəm kəndindən Xəyyam Ramazanov cari mövsümdə 294 kiloqram, Əmircan kəndindən Hümmət Mirzəbəyov isə 275 kiloqram yaş barama istehsal etmişlər.